Liada...
Lieder vom Alltag, von großen Träumen und noch größeren Rechnungen. Von den kleinen Siegen, die ka Mensch merkt, und den Niederlagen, die nebenbei hoid passieren.
Von Montag bis Sonntag. Zwischen Kaffeesud, Kündigungsdrohung und dem letzten Cola Rot.
- Kein Kitsch, nur notwendiger Schmalz.
- Kein Pathos, außer es hilft beim Refrain.
- Und Humor? Immer. Weil ohne den halt gar nix geht.
Mir veröffentlichen alle paar Wochen ein neues Lied zum Mittanzen, Mitsingen, Mitwasauchimma!
Ein neues Lied gibts am 21. August 2026:
Mitzi
Jojo die Mitzi. A trauriges Liebeslied über a traurige Gschicht…
Und hier was es bis jetzt zum Ohrwaschl-Verwöhnen gibt:
Texte...
Texte vom Feinsten. Sanft, roh, laut, leise, goschat und manchmal wüüd. Da Schoafe Schurl weiß, wovon er erzählt.
So ana wia I
[Strophe 1]
I trink ned und I kiff a ned
Aber bist du deppat kann I liagn
I glaub wannst mi so anschaust
Tu I die Wahrheit aussa würgn
[Strophe 2]
Mir ghört nämlich de ganze Welt
Und I verkauf das für a Lachen
Was meist, sama im Gschäft
Weil dann lass mas ordentlich krachen
[Refrain 1]
So ana wia I – den musst unbedingt kennen
So ana wia I – der waas wann, wo und wie
So ana wia I – fladat da die Stern vom Himmel
So ana wia I – is einfach perfekt für di
[Strophe 3]
I sing vü besser als alle Super Stars
Aber nur sehr leise daham am Klo
In jeder Hitparade warat I Nummer 1
Mei sanfte Stimm machat an jeden froh
[Strophe 4]
Und wann I tanz brennt der Boden
In die Discos passens schon auf
Do holens schon den Feuerlöscha
Wenn I erst die Eintrittskarten kauf
[Refrain 2]
So ana wia I – malt da bunte Bilder
So ana wia I – stecktn Kopf nie in Sand
So ana wia I – traut si mit dir ollas
So ana wia I – halt imma dei Hand
[Strophe 5]
Wennst so lachst werd I glei grösser
Weil schöner kann I eh nimmer werdn
Jetztn schaust mi endlich genau an
Und des tut mi ganz sicher ned störn
[Refrain 3]
So ana wia I – was ollas übers Lebn
So ana wia I – den grüssn die Leut
So ana wia I – lasst di nie hängen
So ana wia I – geht für di a z’weit
Herr Inspektor sans a Mensch...
[Strophe 1]
Wieso haltens mi auf
War I leicht zu gschwind (gschwind)
Dabei hab I eh aufpasst
I bin ja ned blind
[Strophe 2]
Ja des depperte Rücklicht
Morgen richt I’s eh
I hab an Busera ghabt
Des war ned schön
[Refrain 1]
Herr Inspektor sans a Mensch…
Herr Inspektor sans a Mensch…
[Strophe 3]
Aber was red’ ma da drüber
Wegen dem Lercherlschaas
Des glaub I jetzt ned
Da renn I bald heiss
[Strophe 4]
I pudel mi eh ned auf
I madschker halt nur
I bin scho sehr miadig
Vom heutigen Tag hab I gnua
[Refrain 2]
Herr Inspektor sans a Mensch…
Herr Inspektor sans a Mensch…
[Strophe 5]
Ein Alko-Test – wirklich
Des muss ja ned sein
I bin jetz ganz ehrlich
Es war a kleines Achterl Wein
[Strophe 6]
Und wegen an bissl an Spitz
Is no nie was passiert
Geh bitte schauns mi an
I bin ganz austariert
[Refrain 3]
Herr Inspektor sans a Mensch…
Herr Inspektor sans a Mensch…
[Strophe 7]
Herr Inspektor na kommens
Jetz habens halt ein Herz
Schauns ned so streng
Oda is des jetz ein Scherz
[Strophe 8]
Gehens bleib ma heut Freund’
Sag ma sie haben weg geschaut
Und I fahrat jetz heim
Da habens ein bissl eine Maut
[Outro]
Hallo, hallo was is’n
Wieso war des jetz blöd
Gehns Herr Inspektor
Die Achter brauch ma doch ned
Na super…
Da Ferdl is am gwinnan
[Strophe 1]
De Huber-Buben suchn den Ferdl
Er schuldt’ ihnen halt wirklich viel
Die san jo ned dumm
Die bringen eam um
Für die Huber is des ka Spiel
[Strophe 2]
Die reiche Steiner steht sie’s am Ferdl
Und nimmt eam sehr gern mit nach Haus
Er is ah kaa Weh
Ea packts mitm Schmäh
Und borgt sich a Geld von ihr aus
[Refrain]
Weil heut is da Ferdl am gwinnan
Heut kann eam gar nix passiern
Er weiß was er kann
Und des tut er dann
Weil er hat halt nix zum verliern
Ferdl, jo da Ferdl…
[Strophe 3]
Beim Wirtn am Eck spielns gern Kartn
Da eine-z’kumman des is a Tschoch
Du musst wen kennen
Und ordentlich brennen
Weil der Einsatz der is halt recht hoch
[Strophe 4]
Am Kartentisch machens Probleme
Da Ferdl der setzt sich und lacht
Er zeigt eana’s Geld
Sagt “was kost die Welt“
Und spielt dann die halberte Nacht
[Refrain 2]
Weil heut is da Ferdl am gwinnan
Sein Leben des ändert si heit
Er spielt sei Spiel
Mit wirklich viel Gfühl
Und lasst si dabei a no Zeit
Ferdl, jo da Ferdl…
[Strophe 5]
Der Ferdl der hat jetz viel gwonnan
Was jetztn passiert is halt bled
Er steht so da
Und is einfach froh
Und sicht die Huber Buama ned
[Strophe 6]
Da Ferdl war wirklich am gwinnan
Er hat glaubt ihm kann nix passiern
Jetz liegt er im Dreck
Sein Gerstl is weg
Und die Huber-Buben tun ihn rasiern
[Outro]
Und ab heut wissen alle genau
Zuviel Geld ausborgen is ned schlau
Armer Ferdl, so a kurzes Leben…
Schad um den Ferdl…
Wos warat wann
[Strophe 1]
Was warad wann
I amal mei Goschen halt
Schnell weiter geh
Und mi keiner rollt
[Refrain]
Ja was warad dann
Warads anders oder ned
[Strophe 2]
Was warad wann
I ned zur Arbeit geh
Und einfach liegen bleib
Des warad wirklich schön
[Refrain]
Jo wos warad daun
Warads aundas oda ned
[Strophe 3]
Was warad wann
I ein kleines Hunderl hätt
Und mi das Hunderl mag
Des warad vielleicht nett
[Refrain]
Ja was warad dann
Warads anders oder ned
[Strophe 4]
Was warad wann
Mei Auto ein Fahrradl wär
G’mütlicher und g’sünder zwar
Nur das Einetreten warad schwer
[Refrain]
Ja was warad dann
Warads anders oder ned
[Strophe 5]
Was warad wann
Morgen die Welt untergeht
Weil bei meinem Glück
Kamat I wahrscheinlich z’spät
[Refrain]
Ja was warad dann
Warads anders oder ned
Du bist bled wie die Nocht finsta
[Strophe 1]
In der Schul hast nix grissn
Nur abgschrieben von alle Leut
Aber gar kein Fleck im Zeugnis
Und die Mama hat sich gfreut.
[Strophe 2]
In di Clubs warst du mit 14
Ohne Ausweis, kein Problem
Und wennst dann lieb glacht hast
Habens dier Bier und Wodka geben
[Refrain 1]
Du bist bled wie die Nocht finsta
Das gibts ned, was du dich traust
Und es geht bei allen eine
Du sagst dann nur “Gell da schaust”
[Strophe 3]
Deine Miete, die dazahlst ned
Spielst lieber Lotto um viel Geld
Machst natürlich gleich den Jackpot
Und kaufst dir die halbe Welt
[Refrain 2]
Du bist bled wie die Nocht finsta
Du weißt nix und bist drauf stolz
Aber jeder spielt halt mit dir mit
Und klopft heimlich auf Holz
[Strophe 4]
Andere geben in da Hackn alles
Du schaust nur gscheid und sitzt herum
Wälzt alles ab auf die andern
Und dein Chef bewundert dich stumm
[Strophe 5]
Jetzt hast ein Haus, ein Auto und einen Garten
Und keiner weiß wie und woher
Du zuckst nur mit den Schultern
Weil “Dass ist ja nicht so schwer”
[Refrain 3]
Du bist bled wie die Nocht finsta
Du tust so viel was ich nicht tät
Und immer fallst auf die Butter Seiten
I versteh dich einfach ned
Mitzi
[Strophe 1]
Die Stadt schlaft ganz unruhig
dunkel und kalt
I steh an einer Eckn
Der Morgen kommt bald
Die Händ in der Taschen
Des Herz in der Hosen
Ka Zukunft, ka Hoffnung
Es regnet keine Rosen
[Refrain 1]
I denk an die Mitzi
An Liebe und Glück
Meine Schmähs und ihr Lachen
A paar Bier und süsse Tschick
[Strophe 2]
De Jukebox spielt an Slowfox
Wir tanzen zu zweit
I und die Mitzi
Der Morgen is no weit
Sie schaut und wir lachen
I nimms aufe zu mir
Vielleicht is ja anders
Denk I ma vor der Tür
[Refrain 2]
I denk an die Mitzi
An Liebe und Glück
Meine Schmähs und ihr Lachen
A paar Bier und süsse Tschick
[Strophe 3]
Ober alles is jetz anders
Es is a wirklich blöd
Keiner kann ma helfen
I will des alles ned
[Outro]
I steh an der Eckn
Es geht ma ned gut
De Mitzi liegt oben
In einer Lacken aus Blut
Die Stadt wacht jetz auf
laut, hell und kalt
I hör die Sirenen
Jetz habens mi bald
Jetz habens mi bald
Jetz habens mi bald
Jetz habens mi bald
Und die Mitzi wird kalt
Na
[Strophe 1]
Na
Na sicher ned
Na
Na das is mir z’blöd
[Strophe 2]
Na
Na was soll’n des
Na
Na da werd I bös
[Refrain 1]
I bin sehr stark dagegen
Da brauch’ ma ned drüber reden
Lassts mi in Ruh
Da bleib I stur
[Strophe 3]
Na
Na so ein Kaas
Na
Na das is a Schaas
[Strophe 4]
Na
Na bitte maschier
Na
Na da is die Tür
[Refrain 2]
I bin sehr stark dagegen
Da brauch’ ma ned drüber reden
Lassts mi in Ruh
Da dreh I zu
[Strophe 5]
Na
Na das is ma wurscht
Na
Na da vergeht mir der Durst
[Strophe 6]
Na
Na auf gar keinen Fall
Na
Na zum letzten Mal
[Outro]
Schluss. Aus. Basta.
Es kuntat ollas schlechta sein
[Strophe 1]
I hab 2 Socken mit 4 Löcher an
Und mei Postkastl is leer
Mei Arzt der hat ma gestern gsagt
Oida du bist viel z’schwer
[Refrain 1]
Aber über mir leucht’ heut die Sonn
Und die Vogerln tun se freun
I schau mi um und denk mir halt
Es kuntat ollas schlechta sein
[Strophe 2]
Mei Auto kriegt heuer ka Pickerl mehr
Und mei Fernseher is tot
Da Supermarkt der is scho zu
Und i hab nur a schimplats Brot
[Refrain 2]
Auf da Strassen triff I an guten Freund
Wir trinken zam a Glasl Wein
Wir habn a Hetz und I denk ma nur
Es kuntat ollas schlechta sein
[Strophe 3]
Das Finanzamt zieht ma die Hosen aus
Hackln geh macht gar kan Sinn
Wo mei Brieftaschl is waas i ned
Aber es is eh nix drin
[Refrain 3]
I klopf bei dir an und du machst ma auf
Du lachst und sagst: Herein
I lach z’ruck und was genau
Es kuntat ollas schlechta sein
[Refrain 4]
Solang die Welt si no a bissl draht
Tu I sicher nix bereun
Ma lebt halt leichter wenn ma si denkt
Es kuntat ollas schlechta sein
Freibad
[Strophe 1]
Heast schleich di du Gfrast
Schnell einparken und passt
Kurz bei der Kassa warten
Auf die Eintrittskarten
[Strophe 2]
Eine in die Badehosen
Sonnenbrille auf die Nasen
Bauch einziehn es is soweit
Für die Liegewiese bereit
[Refrain 1]
Weil heut gehts ab im Freibad
I bin no weiss wie a Kaas
Aber mit der Sommer Sonn’
Wird das ein Riesenspaß
[Strophe 3]
I bieg um die Ecke gleich beim Klo
Meine Hawara stehn schon da
Mir maschieren zum Buffet
Ja, weil dort rennt der Schmäh
[Strophe 4]
I dräng mi da gleich in die Mitte
Ein Cornetto Erdbeer bitte
Einen Sommerspritzer krieg I no
Den vertrag I glaub’ I schon
[Refrain 2]
Weil heut gehts ab im Freibad
Na Oida soviel Leut
Aber alle sind gut drauf
Und haben einfach a Freud’
[Strophe 5]
Gemma jetz endlich ins Wasser
Weil I schwitz’ nimmer als a nasser
Schauts dass keiner eine fallt
Hui – na das is no ordentlich kalt
[Refrain 3]
Weil heut gehts ab im Freibad
Und hoffentlich auch morgen
Es wird ja ein langer Sommer
Da mach’ I mir keine Sorgen
[Strophe 6]
Ja an so einem schönen Tag
gibts keinen den I ned mag
Und drum muss I ausn Schatten
Ja weil jetz geh I einebraten
De Burschn...
Da schoafe Schurl
Ein Traum. So einen möchte man zu Hause haben. Ein bisserl ein Bussi Bär, ein bisserl ein Lauser.
Seine Gschichtn sind aus dem harten aber ungerechten Leben, er kennt halt viele interessante Leut und ist ein guter Zuhörer…
Der Zwischenfall mit der Fisch-Watschn und dem Gesetzeshüter war übrigens ein Missverständnis. Sagt er.
De Heazmechanika
Eine leiwande Partie: Alle Burschn trinkfest, formschön, stubenrein und bürgernah.
Jeder der Musiker kann ned nur leise, sondern auch laut spielen. Und keiner spielt falsch – zumindest gibt es keiner zu.
Zusammengewürfelt aus Leidenschaft, musikalischer Ahnung und der fixen Überzeugung, dass a Probe mit Bier produktiver is als ohne.
Jeder hat seine Rolle, und wenn ned, dann zumindest a Meinung.
Wüüst wos?
Wennst wos wüüst, wos wüüstn?
Wenn es wichtig ist, bitte in ein Sackerl sprechen und sicher aufbewahren.
Wenn es sehr, sehr wichtig ist, einfach eine Email an
senden (bitte schön sprechen & schreiben, der Schurl hat ein zartes, sanftes Gemüt…).